Pa caberos del añu pasáu, tres delles conxustes, entecambéu de camientos y dellos cafés, decidimos que la idega d’un asociamientu de biocostruición podía ser interesante.
Tengo de reconocer que supusiera un llabor trebeyáu, candorriu y enximplamte. Nun sois a camentar el papeléu que xenera, les díes y veníes, fotocopies, estatutos, rexistros, etc. Pero entá mas enguedeyáu ye poner a una trentena persones n’atroxu y nún mesmu sen.
L’entecambéu d’idegues duró ciertu tiempu, rocaes con Cova, con Eve, Klaas, Sheila, tamién con Diego, sacante con Xoxé pola llontananza, pero finalmente salió daqué en común. Sé que lo qu’hai en marcha nun ye esautamente lo que queremos cada ún, sé que nun ye una idega precisa, esauta, pero ye lo mas consensuáo posible, perque finalmente hai de marcar una direición hacia dalgún sitiu. Perque finalmente la día tien de dir de la mán de l’aición.
Polos caberos díes d’Avientu l’Asambleya pieslló los estatutos y la Xunta Direutiva foi escoyida y por fin esti mes de xunu mos tráin el númberu de rexistru col que podemos disfrutar de la nuesa llegalidá.
Ye agora n’aición ú veremos como atruyen los proyeutos y les presones. En tóu casu ye un guacéu ilusionante, ta nes nueses manes, podemos y tenemos la obligación moral de camudar, de criyar una rialidá diferente, esti ye’l guacéu.
La biocostruición ye en rialidá la posibilidá d’habitar d’otru xeitu, abiertu, criyativu y cosciente la nuesa propia vida. Paga la pena ¿Acuéi?.
No hay comentarios:
Publicar un comentario